ការដឹកទំនិញអន្ដរជាតិ
មិនថាការដឹកជញ្ជូនតាមផ្លូវទឹក ឬតាមផ្លូវអាកាស ទំនិញចំណុះពេញកុងតឺន័រ(FCL) ឬទំនិញចំរុះចំណុះមិនពេញកុងតឺន័រ(LCL) ក្រុមហ៊ុនតេងឡាយអាចផ្តល់ជូននូវសេវាកម្មពិសេសជាមួយនឹងតម្លៃប្រកួតប្រជែង។ ដោយសារទំនាក់ទំនងដ៏រឹងមាំរបស់យើងជាមួយក្រុមហ៊ុនពហុអន្តរជាតិជាដៃគូរ និងប្រព័ន្ធតាមដានការដឹកជញ្ជូនទំនិញបំពាក់ដោយបច្ចេកវិជ្ជាទំនើប ក្រុមហ៊ុនតេងឡាយអាចផ្តល់នូវព័ត៌មានរហ័ស និងជាក់លាក់អំពីទំនិញរបស់អតិថិជនចាប់តាំងពីពេលទំនិញដឹកចេញរហូតដល់ទំនិញប្រគល់ដល់ដៃអតិថិជន។
សេវារបស់យើងមានដូចជា៖
- ការដឹកទំនិញចំណុះពេញកុងតឺន័រ (FCL)
- ការដឹកទំនិញចំរុះចំណុះមិនពេញកុងតឺន័រ (LCL)
- ការដឹកជញ្ជូនរួមបញ្ចូលគ្នាទាំងតាមផ្លូវទឹកផងនិងតាមផ្លូវគោកផង ទាំងតាមផ្លូវគោកផងនិងតាមផ្លូវទឹកផង និង ទាំងតាមផ្លូវគោកផងនិងផ្លូវអាកាសផង(Land-Air)
- ការដឹកទំនិញពីឃ្លាំងអ្នកលក់ទៅកំពង់ផែអ្នកទិញ (Door-Port) ការដឹកទំនិញពីកំពង់ផែអ្នកលក់ទៅឃ្លាំងអ្នកទិញ (Port-Door) ការដឹកទំនិញពីកំពង់ផែទៅកំពង់ផែ(Port-Port) និង ការដឹកទំនិញពីឃ្លាំងអ្នកលក់ទៅឃ្លាំងអ្នកទិញ (Door-Door)
ការដឹកជញ្ជូនតាមផ្លូវគោក
ឥឡូវនេះ អតិថិជនទាំងអស់អាចជឿជាក់បានថា ក្រុមហ៊ុនតេងឡាយអាចរ៉ាប់រងអ្វីៗគ្រប់យ៉ាងក្នុងមធ្យោបាយលឿន ហើយតម្លៃសមរម្យសម្រាប់សេវាកម្មទាំងអស់ដែលទាក់ទងនឹងការដឹកជញ្ជូនតាមផ្លូវគោក មិនថាក្នុង និងក្រៅប្រទេសកម្ពុជា។
ក្រុមហ៊ុនក៏បានដំឡើងប្រព័ន្ធតាមដានGPS លើរថយន្តនីមួយៗ និងមានក្រុមអ្នកជំនាញ រួមទាំងអ្នកជំនាញឯកទេសដែលមានការទទួលស្គាល់ និងបទពិសោធន៍ ដើម្បីធានាថាទំនិញរបស់អតិថិជនមានសុវត្ថិភាព និងដឹកជញ្ជូនទាន់ពេលវេលា។
សេវាកម្មដឹកជញ្ជូនផ្លូវគោករួមមាន៖
- សេវាដឹកជញ្ជូនតាមផ្លូវគោក
- សេវាដឹកជញ្ជូនតាមផ្លូវដែក
ឃ្លាំង និង ខ្សែសង្វាក់ផ្គត់ផ្គង់
រក្សាទុកទំនិញរបស់លោកអ្នកនៅក្នុងផែស្ងួតដែលមានសុវត្ថិភាព និងស្តង់ដាររបស់ក្រុមហ៊ុនតេងឡាយ។
សេវាកម្មគ្រប់គ្រងឃ្លាំង និង ខ្សែសង្វាក់ផ្គត់ផ្គង់រួមមាន៖
- ការរៀបចំទីលានផ្ទុកកុងតឺន័រ
- ការកំណត់ឃ្លាំងសម្រាប់ទទួលនិងបែងចែកទំនិញ (នាំចេញនាំចូល) និង ទីលានផ្ទុកសម្បកកុងតឺន័ររបស់ក្រុមហ៊ុនកប៉ាល់
- ការគ្រប់គ្រងឃ្លាំង និងការត្រួតពិនិត្យសន្និធិ
ការបញ្ចេញទំនិញពីគយ និង ជើងសាគយ
ជៀសវាងការយឺតយ៉ាវ និងធានាសុវត្ថិភាពទំនិញរបស់លោកអ្នក យើងនឹងផ្តល់ឱ្យលោកអ្នកនូវសេវាកម្មជើងសាគយដ៏ទូលំទូលាយ រួមទាំងការរៀបចំឯកសារផ្លូវច្បាប់ទាំងអស់ ដើម្បីប្រាកដថាការដឹកជញ្ជូនទំនិញរបស់លោកអ្នករួចរាល់តាមការគ្រោងទុក។ លើសពីនេះ យើងមានច្រកលើកដាក់កុងតឺន័រ(ICD)នៅក្នុងផែស្ងួតរបស់យើងផ្ទាល់ដែលការិយាល័យគយតាំងនៅស្រាប់ ដូច្នេះក្រុមហ៊ុនតេងឡាយនឹងផ្តល់សេវាកម្មនាំចូល និងនាំចេញយ៉ាងងាយស្រួល និងរហ័ស។
ទីធ្លាធំទូលាយសម្រាប់ដាក់កុងតឺន័រ
មានទីធ្លាធំទូលាយសម្រាប់ទុកដាក់កុងតឺន័រក្នុងរយៈខ្លី និងរយៈពេលវែង។ អតិថិជនអាចរក្សាកុងតឺន័រនៅទីតាំងរបស់ខ្លួនផ្ទាល់ ឬជួលទីធ្លាប្រកបដោយសុវត្ថិភាពរបស់ក្រុមហ៊ុន។
ការកែច្នៃកុងតឺន័រ
ដោយសារតម្រូវការ និងទំនុកចិត្តខ្ពស់ពីអតិថិជនលើសេវាកម្ម និងគុណភាពរបស់ក្រុមហ៊ុន ក្រុមហ៊ុនតេងឡាយក៏មានផ្គត់ផ្គង់សេវាកម្មថែទាំ និងជួសជុលកុងតឺន័រ កែច្នៃសម្រាប់ព្យួរសម្លៀកបំពាក់(GOH) តំឡើងនិងរចនាធ្វើជាការិយាល័យ/លំនៅដ្ឋានផងដែរ។
សេវាកម្មកែច្នៃកុងតឺន័ររួមមាន៖
- ការថែទាំ និងជួសជុលកុងតឺន័រ
- កុងតឺន័រព្យួរសម្លៀកបំពាក់(GOH)
- ការិយាល័យ/លំនៅដ្ឋានកុងតឺន័រ
ស្ថានីយ៍សម្រាប់ដឹកទំនិញកុងតឺន័រនិង ដេប៉ូឃ្លាំងទំនិញ
ក្រុមហ៊ុនតេង ឡាយគ្រុប អាចផ្តល់ភាពងាយស្រួល និងរហ័សក្នុងការត្រួតពិនិត្យទំនិញរបស់អតិថិជនដោយមានគយ ព្រមទាំងបមន្រ្តីប៉ូលីស និងកាមេរ៉ាសុវត្ថិភាព តាមដានយ៉ាងម៉ត់ចត់។ ទន្ទឹមនឹងនេះ ក្រុមហ៊ុនតេង ឡាយគ្រុបមានផ្តល់សេវាកម្មជំនួយទៅលើការដឹកជញ្ចូនទំនិញកុងតឺន័រ ទៅកាន់ក្រុមហ៊ុនដូចជា APL, MCC, RCL, CMA, MJIC, MITSUI និងក្រុមហ៊ុនជាច្រើនទៀត។
បន្ថែមពីលើនេះ ដើម្បីជួយឲ្យការដឹកជញ្ចូនទំនិញកាន់តែល្អមួយកម្រិតទៀត ក្រុមហ៊ុនតេង ឡាយគ្រុបក៏មានឧបករណ៍ធុនធ្ងន់ដើម្បីជួយបម្លាស់ទីតាំងទំនិញទាំងនោះផងដែរ។
